Our social:

Latest Post

Tuesday, May 2, 2017

តើ​ធ្αž“αž€​αž’αž—ិវឌ្ឍ​αž€αž˜្មវិαž’ី​αž‘ូរស័αž–្αž‘​αž‘ំαž“ើαž”​ត្រូវ​αž’្វើ​ធ្វី​ខ្αž›ះ​?

αž‡ា​αž‡ំហាαž“​ដែαž›​ធាαž…​αž…ាαž”់​αž™αž€​ធាαž‡ីαž–​αž‡ា​ធ្αž“αž€​αž‚្αžšαž”់αž‚្αžšαž„​αž•្αž“ែαž€​IT​αž›ោαž€​សុខ​αž›ាαž—​αž”ាαž“​ណែαž“ាំ​ឲ្αž™​αž“ិស្សិត​ដែαž›​មាαž“​αž”ំαžŽαž„​αž…αž„់​αž’្វើαž€ារ​αž€្αž“ុαž„​តំណែαž„​αž“េះ​ឲ្αž™​រៀαž“​αž‡ំαž“ាαž‰​αž•្αž“ែαž€​αž–័ត៌មាαž“αžœិαž‘្αž™ា​αž‡ា​ដំαž”ូαž„​រួαž…​សិαž€្សា​αž™αž€​αžŸαž‰្αž‰ាαž”αž្រ​αž•្សេαž„​αŸ—​ដែαž›​αž‘ាαž€់αž‘αž„​αž“ឹαž„​αž”αž…្αž…េαž€αžœិαž‘្αž™ា​αž–្រម​αž‘ាំαž„​αž”αž„្αž€ើαž“​αž‘ំαž“ាαž€់αž‘ំαž“αž„​αž›្ធ​αž‡ាមួαž™​αž“ឹαž„​ធ្αž“αž€​αž‡ំαž“ាαž‰​αž•្αž“ែαž€​αž“េះ​ឲ្αž™​αž”ាαž“​αž…្រើαž“​។​αž›ើស​αž–ី​αž“េះ​αž“ិស្សិត​ត្រូវ​αž…ុះ​αž’្វើ​αž€αž˜្មសិαž€្សា​αž•្αž“ែαž€​IT រួαž…​ត្រូវ​αž–្αž™ាαž™ាម​ស្វែαž„αž™αž›់​ធ្វី​ដែαž›​ថ្មី​αŸ—​αž”αž“្ថែម​។
αž›ោαž€​αž”ាαž“​αž”αž“្ថែម​ថា​៖ «​αž€្αž“ុαž„​αž“ាម​αž‡ា​IT Manager​αž–ួαž€αž‚ាត់​αž“ឹαž„​ត្រូវ​ដឹαž€αž“ាំ αž’αž—ិវឌ្αžαž“៍​αž‚្αžšαž”់αž‚្αžšαž„​αžšαž…αž“ាសម្αž–័αž“្αž’​αž”្αžšαž–័αž“្αž’​αž–័ត៌មាαž“​αž“ិαž„​αž”αž…្αž…េαž€αžœិαž‘្αž™ា​αž”ូαž€αžšួម​αž‘ាំαž„​សម្αžšαž”αžŸαž˜្រួαž›​ហើαž™​ណែαž“ាំ​αž‚ោαž›αžŠៅ​αž“ៃ​ស្ថាαž”័αž“​αž‡ាមួαž™​αž“ឹαž„​αž€ារ​ដាαž€់​αž™ុαž‘្αž’αžŸាស្ត្រ​αž“ៃ​សេវាαž€αž˜្ម​αž–្រម​αž‘ាំαž„​តម្រូαžœαž€ារ​αž•αž„​ដែរ​»។
αž›ោαž€​αž›ាαž— αž‡ឿαž‡ាαž€់​ថា​សិស្ស​αž“ិស្សិត​αž•្αž“ែαž€​αž–័ត៌មាαž“αžœិαž‘្αž™ា​មិαž“​ថា​αž”្រុស​ឬ​ស្រី​αž‘េ សុαž‘្αž’αžែ​ធាαž…​αž€្αž›ាαž™​αž‘ៅ​αž‡ា ​IT Manager αž”៉ុαž“្ដែ​αž‚េ​ត្រូវ​តែ​ដឹαž„​αž–ី​αžšαž”ៀαž”​αž€្αž“ុαž„​αž€ារ​αž…ាαž”់​αž™αž€​αž±αž€ាស​αž”αž“្ថែម​αž–ី​αž‡ំαž“ាαž‰​αž“ិαž„​αž”αž‘αž–ិសោαž’​ដែαž›​αž‚ាត់​មាαž“​។

αž‚αž“្αž›ឹះ​ដើម្αž”ី​αž€្αž›ាαž™​ធ្αž“αž€​αž‚្αžšαž”់αž‚្αžšαž„​αž•្αž“ែαž€​αž–័ត៌មាαž“αžœិαž‘្αž™ា

αž€αž‰្αž‰ា αžšαž…αž“ា​αž”ាαž“​αž–αž“្αž™αž›់​αž–ី​αž—ាαžšαž€ិαž…្αž…​ដែαž›​ត្រូវ​αž’្វើ​αž€្αž“ុαž„​αž€្រុមហ៊ុαž“​αž“ោះ​ថា​៖ «​ខ្αž‰ុំ​αž’្វើ​αž€ារ​សាαž€αž›្αž”αž„​αž“ូវ​αž€αž˜្មវិαž’ី​សម្រាαž”់​αž‘ូរស័αž–្αž‘​ស៊េរី​αž‘ំαž“ើαž”​ដូαž…αž‡ា SmartphoneTablet αž“ិαž„ ​Browser​។ ខ្αž‰ុំ​αž€៏​αž’្វើαž€ារ​សាαž€αž›្αž”αž„​αž‘ៅ​αž›ើ​αž•្αž“ែαž€ ​Back Office ដែαž›​ហៅថា ​Server តាαž˜αžšαž™ៈ​αž€ារ​αž”αž“្ថែម​αž‘ិαž“្αž“αž“័αž™​αž‘ៅ​αž›ើ​αž€αž˜្មវិαž’ី​αž‘ាំαž„​αž“ោះ​αž•αž„​ដែរ​»។
αž“ិស្សិត​ស្រី​ដែαž›​αž–ោαžšαž–េαž‰​αž‘ៅ​ដោαž™​αž‚ំαž“ិត​αž…្αž“ៃαž”្រឌិត​រូαž”​αž“េះ​តែαž„αžែ​រៀαž”αž…ំ​ αž‚αž˜្រោαž„​αž–αž„្រឹαž„​សមត្αžαž—ាαž–​αžšαž”αžŸ់​ខ្αž›ួαž“​ឲ្αž™​ស្αžšαž”​αž‘ៅ​តាម​αž”αž…្αž…េαž€αžœិαž‘្αž™ា​ថ្មី​αŸ— ដើម្αž”ី​សម្αžšαž”​αž‘ៅ​តាម​តម្រូαžœαž€ារ​αž‘ីαž•្សារ​αž€ាαžšαž„ារ។
αž€αž‰្αž‰ា​αžŸαž„្αž€េត​αžƒើαž‰​ថា​ Cisco αž‚ឺαž‡ា​αž‡ំαž“ាαž‰​ដែαž›​αž€ំαž–ុαž„​តែ​αž‘αž‘ួαž›​αž”ាαž“​αž”្αžšαž‡ាαž”្រិαž™αž—ាαž–​ខ្αž›ាំαž„​αž“ៅ​αž€្αž“ុαž„​αž•្αž“ែαž€​ αž–័ត៌មាαž“αžœិαž‘្αž™ា​ហើαž™​αž€αž‰្αž‰ា​αž‘αž‘ួαž›​αž”ាαž“​ធាហារូαž”αž€αžšαžŽ៍​សិαž€្សា​αž“ៅ Sunrise Institute of Technology​។
ដោαž™αžŸារ​តែ​αž€ារ​αž”្ដេαž‡្αž‰ា​αž…ិត្ត​αž€αž‰្αž‰ា αžšαž…αž“ា​ αžŸαž„្αžƒឹម​ថា​αž“ឹαž„​ធាαž…​សម្រេαž…​សេαž…αž€្ដី​αž”្រាថ្αž“ា​αž€្αž›ាαž™​αž‘ៅ​αž‡ា ​IT Manager ដោαž™​αž€αž‰្αž‰ា​αž”ាαž“​αžŸαž„្αž€αž់αž’្αž„αž“់​ថា​៖ «​ខ្αž‰ុំ​αž‡ឿ​ថា​ខ្αž‰ុំ​ធាαž…​αž’្វើ​វា​αž”ាαž“​!​»។​αž“េះ​αž‚ឺαž‡ា​αž‡ំហាαž“​αž…ាαž”់αž•្តើម​ហើαž™​ αž€αž‰្αž‰ា​αž…αž„់​αž”ាαž“​αž™ោαž”αž›់​αž”αž“្ថែម​ដើម្αž”ី​វិវត្ត​ខ្αž›ួαž“​ឲ្αž™​αž€្αž›ាαž™​αž‘ៅ​αž‡ា​ IT​ Manager​៕

ធ្αž“αž€​αž‡ំαž“ាαž‰​ថា αž“ិស្សិត IT αž€αž˜្αž–ុαž‡ា​ខ្វះ​αž‡ំαž“ាαž‰​αž‘αž“់

αž”αž‰្αž…αž”់​αž€ារ​សិαž€្សា​αž‡ំαž“ាαž‰​αž–័ត៌មាαž“​វិαž‘្αž™ា​ (IT) តែ​មួαž™​មុខ មិαž“​αž†្αž›ុះ​αž”αž‰្αž…ាំαž„​αž–ី​αž—ាαž–​αž‡ោαž‚​αž‡័αž™​αžšαž”αžŸ់​αž“ិស្សិត​αž‡ំαž“ាαž‰​αž”αž…្αž…េαž€αžœិαž‘្αž™ា​αž–័ត៌មាαž“​វិαž‘្αž™ា​αž“ោះ​ទើαž™។ αž“ៅ​ឯ​αž€αž˜្មវិαž’ី​αž”ារខែម (barcamp) αž€្រោម​αž”្αžšαž’ាαž“​αž”αž‘ «αž្រៀម​ខ្αž›ួαž“​សម្រាαž”់​សមាαž αžšαžŽαž€αž˜្ម​ធាស៊ាαž“» ដែαž›​រៀαž”​αž…ំ​ទើαž„​αž“ៅ​វិαž‘្αž™ាស្ថាαž“​αž”αž…្αž…េαž€αžœិαž‘្αž™ា​αž€αž˜្αž–ុαž‡ា​αž€ាαž›​αž–ីαž…ុαž„​αžŸαž”្ដាហ៍​αž€αž“្αž›αž„​αž˜αž€ ធ្αž“αž€​αž‡ំαž“ាαž‰​αž˜αž€​αž–ី​αž”αžŽ្ដា​αž€្រុមហ៊ុαž“​αž―αž€αž‡αž“ αž“ិαž„​αž’αž„្αž‚αž€ារ​មួαž™​αž…ំαž“ួαž“ ដែαž›​αž’្វើ​αž€ារ​αž–ាαž€់​αž–័αž“្αž’​αž“ឹαž„​វិស័αž™​αž–័ត៌មាαž“αžœិαž‘្αž™ា αž”ាαž“​ណែαž“ាំ​αž“ិស្សិត​​αž‡ំαž“ាαž‰ IT ឲ្αž™​សិαž€្សា​αž‡ំαž“ាαž‰​αžŠαž‘ៃ​αž‘ៀត ដើម្αž”ី​សម្រេαž…​αž”ាαž“​αž‡ោαž‚​αž‡័αž™​αž“ៅ​αž€្αž“ុαž„αž‡ីវិត។
αž›ោαž€ ស αž‚ីណាαž›់ αž“ាαž™αž€​αž‚្αžšαž”់​αž‚្αžšαž„​αž‘ូαž‘ៅ​αž“ៃ​αž€្រុមហ៊ុαž“ Aplus Consulting αž”ាαž“​ឲ្αž™αžŠឹαž„​ថា ធ្αž“αž€​សិαž€្សា​αž–័ត៌មាαž“​វិαž‘្αž™ា​αž—ាαž‚​αž…្រើαž“ αž€ំαž–ុαž„​αž”្រឈម​αž“ឹαž„​αž”αž‰្ហា​មួαž™ αž‚ឺ​αž€αž„្វះ​ខាត​αž‡ំαž“ាαž‰​αž‘αž“់។ αž›ោαž€ αž‚ីណាαž›់ αž“ិαž™ាαž™​ថា​៖ «αž’្αž“αž€​សិαž€្សា​αž•្αž“ែαž€​αž–័ត៌មាαž“αžœិαž‘្αž™ា មាαž“​តែ​αž‡ំαž“ាαž‰​រឹαž„ ខ្វះ​αž‡ំαž“ាαž‰​αž‘αž“់ αž”្រៀαž”​ដូαž…​αž˜αž“ុស្ស​αž™αž“្ត​ធីαž…ឹαž„»។ ដោαž™​αžŸαž„្αž€αž់​αž’្αž„αž“់​αž‘ៅ​αž›ើ​αž€ារ​αž”្រាស្រ័αž™​αž‘ាαž€់​αž‘αž„ αž“ាαž™αž€​αž‚្αžšαž”់​αž‚្αžšαž„​រូαž”​αž“េះ αž…ាត់​αž‘ុαž€​αž‡ំαž“ាαž‰​αž‘αž“់ αž‚ឺ​αž‡ា​αž€αž្តា​សំខាαž“់​ដើម្αž”ី​ឈាαž“​αž‘ៅ​αž—ាαž–​αž‡ោαž‚​αž‡័αž™​αž“ៅ​αž€្αž“ុαž„​វិαž‡្αž‡ា​αž‡ីវៈ​αž–័ត៌មាαž“​វិαž‘្αž™ា។
ស្αžšαž”​αž–េαž›​αž‡ាមួαž™​αž‚្αž“ា​αž“ោះ​ដែរ αž›ោαž€ រុαž“ សារឹម αž”្αžšαž’ាαž“​αž•្αž“ែαž€​αž‘ំαž“ាαž€់​αž‘ំαž“αž„ αž“ិαž„​ស្វែαž„​αžšαž€​αž‡ំαž“ួαž™ αž“ៃ​αž’αž„្αž‚αž€ារ​ Passerelles Numerci Cambodia (PNC) αž”ាαž“​αž…ាត់​αž‘ុαž€​ស្វ័αž™​សិαž€្សា​αž‚ឺ​αž‡ា​αž‚αž“្αž›ឹះ​សំខាαž“់​សម្រាαž”់​αž‘αž‘ួαž›​αž”ាαž“​αž—ាαž‚​αž‡ោαž‚​αž‡័αž™​αž‘ាំαž„​αž€ារ​សិαž€្សា αž“ិαž„​αž€ាαžšαž„ារ។ ដោαž™​αž”ាαž“​ណែαž“ាំ​ឲ្αž™​αž™ុαžœαž‡αž“​αž€αž˜្αž–ុαž‡ា​αž…េះ​αž‡្រើស​រើស​αž”ុαž‚្αž‚αž›​αž›្αž”ីαŸ—​αž’្វើ​αž‡ា​αž‚ំរូ αž›ោαž€​αž“ិαž™ាαž™​ថា​៖ «αž€ារ​រៀαž“​សូត្រ​ដោαž™​ខ្αž›ួαž“​αž―αž„ ធាαž…​ឲ្αž™​αž™ើαž„​ស្វែαž„​αž™αž›់​αž–ី​αž˜αž‡្ឈ​ដ្αž‹ាαž“​αž‡ុំ​វិαž‰ αž“ិαž„​ធាαž…​αž‘αž‘ួαž›​αž”ាαž“​ធ្វី​ថ្មីαŸ—​αž–ី​ធ្αž“αž€​αž“ៅ​αž‡ុំ​វិαž‰​ខ្αž›ួαž“​αž‘ាំαž„​αž“ៅ​សាαž›ារៀαž“ αž“ិαž„​αž€ាαžšαž„ារ»។

តើ​αž‡ំαž“ាαž‰​ធ្វី​ខ្αž›ះ​αž“ៅ​αž€្αž“ុαž„​សតវត្ស​αž‘ី​ αŸ’αŸ‘αž“េះ


αž‚αž˜្αž›ាត​រវាαž„​αž‡ំαž“ាαž‰​ដែαž›​សិស្ស-αž“ិស្សិតសិαž€្សា​ αž“ិαž„​αž‡ំαž“ាαž‰​ដែαž›​ត្រូវ​αž€ារ​αž–ិត​αž”្រាαž€αžŠ​ αž‚ឺ​ត្រូវ​αž”ាαž“​αž›ើαž€​ទើαž„​αž™៉ាαž„​αž…្αž”ាស់​αž›ាស់​ តាម​αžšαž™ៈ​αžšαž”ាαž™​αž€ារ​សេដ្αž‹αž€ិαž…្αž…​αž–ិαž—αž–​αž›ោαž€ (World Economic Forum Report) ថា αž€ារ​រៀαž“​សូត្រ​αž”ែαž”​αž”្αžšαž–ៃ​ណី αž‚ឺ​αž‡ា​αž‘αž˜្αž›ាαž”់​មួαž™​ដែαž›​αž’្វើ​ឲ្αž™​αž…ំណេះ​ដឹαž„ αž“ិαž„​αž‡ំαž“ាαž‰​αžšαž”αžŸ់​αž“ិស្សិត​αž’្αž›ាαž€់​αž…ុះ ដូαž…្αž“េះ​​ត្រូវ​ឲ្αž™​αž–ួαž€​αž‚េ​αž–្αž™ាαž™ាម​ស្វែαž„αž™αž›់​​ αž…ំαž–ោះ​​​តម្រូវ​αž€ារ​αž”αž…្αž…េαž€​វិαž‘្αž™ា​ថ្មី​αŸ—​ αž‡ា​αž…្រើαž“​αž•្សេαž„​αž‘ៀត​។
αž”េαž€្ខ​αž‡αž“​ដែαž›​ស្វែαž„​αžšαž€​αž€ារ​αž„ារ​αž“ា​αž–េαž›​αž”αž…្αž…ុαž”្αž”αž“្αž“​αž“េះ​ αž‚ឺ​ត្រូវ​តែ​ធាαž…​ αžŸαž αž€ារ αž‘ំαž“ាαž€់​αž‘ំαž“αž„​ αž“ិαž„​ធាαž…​αž…េះ​ដោះ​ស្រាαž™​αž“ូវ​αž”αž‰្ហា​αž•្សេαž„​αŸ— ដែαž›​αž“េះ​αž‚ឺ​αž‡ា​αž‡ំαž“ាαž‰​αž‡ា​αž…ំαž”αž„​ ដែαž›​ត្រូវ​សិαž€្សា​ αž“ិαž„​​αž’αž—ិវឌ្αžαž“៍​ តាαž˜αžšαž™ៈ​​​αž€ារ​សិαž€្សា​αž–ី​αžŸαž„្αž‚αž˜ αž“ិαž„​αž•្αž›ូវ​ធារម្មណ៍ (Social and Emotional learning--SEL)។
αž“ៅ​αž–េαž›​ដែαž›​សិស្ស​ αž“ិស្សិត​αž”ាαž“​​αž…្រ​αž”ាαž…់​αž”αž‰្αž…ូαž›​αž‚្αž“ា​រវាαž„ αž‡ំαž“ាαž‰​αž‘ាំαž„​αž“េះ​αž‡ា​មួαž™ αž‡ំαž“ាαž‰​αž”្αžšαž–ៃ​ណី​ αž“ោះ​αž–ួαž€​αž‚េ​αž“ឹαž„​αž€ាαž“់​តែ​​αž‘αž‘ួαž›​αž”ាαž“​αž‡ោαž‚αž‡័αž™​ αž€្αž“ុαž„​αž€ារ​វិវត្αžŠαž‘ៅ​αž€ាαž“់​​សេαž…្αž…​​αž€ិαž…្αž…​ឌីαž‡ីαžαž›(digital economy)​ ។​

αž‚αž“្αž›ឹះ αŸ€αž™៉ាαž„αžŠើម្αž”ីαž›ើαž€αž‘ឹαž€αž…ិត្ត​αž”ុαž‚្αž‚αž›ិαž€αž²្αž™αž–េαž‰αž…ិត្αžαž“ឹαž„αž€ាαžšαž„ារ

αž‡ា​αž‘ូαž‘ៅ​αž”ុαž‚្αž‚αž›ិαž€​αž‚្αžšαž”់រូαž”​ ​សម្αž›ឹαž„​αžƒើαž‰​αž”្រាαž€់​ខែ​ ​αž‡ា​αž‚ោαž›​សំខាαž“់​មួαž™​ដែαž›​αž‡ំរុαž‰​ឲ្αž™​αž–ួαž€αž‚េ​αž…αž„់​αž’្វើαž€ារ​αž“ៅ​αž€្រុមហ៊ុαž“​ណាមួαž™។ ​αž”៉ុαž“្តែ​​វា​αž‚្រាαž“់តែ​αž‡ា​αž•្αž“ែαž€​មួαž™​αž”៉ុណ្ណោះ​ ​ហើαž™​មាαž“​αž…ំណុαž…​​សំខាαž“់αŸ—​αž‡ាαž…្រើαž“​ដែαž›​​αž”ុαž‚្αž‚αž›ិαž€​αž–ិត​αž‡ា​ត្រូαžœαž€ារ​មិαž“​ធាαž…​ខ្វះ​αž”ាαž“​ ​αž‘ោះ​មាαž“​αž”្រាαž€់ខែ​ខ្αž–αžŸ់​αž€៏​ដោαž™​។​

​៑) ​​​αž™ុត្តិαž’αž˜៌​៖​រឿαž„​αž’αž™ុត្តិαž’αž˜៌​តែαž„​αž€ើត​មាαž“​ ​​αž“ៅ​αž€αž“្αž›ែαž„​αž’្វើ​αž€ារ​មួαž™​αž…ំαž“ួαž“​ ​​αž‡ា​αž–ិសេស​αž”ុαž‚្αž‚αž›ិαž€​ដែαž›​មិαž“​សូវ​αž…េះ​αž™αž€αž…ិត្ត​αž™αž€​ថ្αž›ើម​ថ្αž“ាαž€់​αž›ើ​មួαž™​αž…ំαž“ួαž“​។ ​ថ្αž“ាαž€់​αž›ើ​ដែαž›​αž…ូαž›αž…ិត្ត​ឲ្αž™​αž‚េ​ធែαž”αž’αž”​αž”ែαž”αž“េះ ​​αž–ិត​αž‡ា​មិαž“​αž„ាαž™​αž“ឹαž„​αž‡ំរុαž‰​ឲ្αž™​αž€ាαžšαž„ារ​αž€្រុមហ៊ុαž“​ដំណើαžšαž€ារ​αž‘ៅ​αž”ាαž“​αž™៉ាαž„​αž›្ធ​αž“ោះ​ទើαž™ ​αž–្រោះ​αž”ុαž‚្αž‚αž›ិαž€​ដែαž›​មាαž“​សមត្αžαž—ាαž–​ ​αž“ៅ​មិαž“​αž™ូរ​ទើαž™​។​​​ ​αž™ុត្តិ​αž’αž˜៌​αž‡ា​រឿαž„​សំខាαž“់​αž”ំαž•ុត​​ ​αž€្αž“ុαž„​αž€ារ​αž’្វើαž€ារ​αž‡ា​αž€្រុម​ ​αž–្រោះ​ថា​​​αž”ុαž‚្αž‚αž›ិαž€​αž‚្αžšαž”់រូαž”​αž“ឹαž„​αž‚្មាαž“​αž†αž“្αž‘ៈ​​αž€្αž“ុαž„​αž€ារ​αž”αž“្ត​αž€ាαžšαž„ារ​ខ្αž›ាំαž„αž€្αž›ា​αž‘ៀត​ទើαž™​ ​αž”ើ​ថ្αž“ាαž€់​αž›ើ​αž•្αžαž›់​តម្αž›ៃ​ ​αž“ិαž„ ​αž‚ុណសម្αž”αž្តិ​តែ​αž›ើ​αž”αž€្αžŸαž–ួαž€​αžšαž”αžŸ់​ខ្αž›ួαž“​។ ​

​្) ​αž€ារ​αž›ើαž€αž‘ឹαž€αž…ិត្ត​៖ ​​αž€ារ​αž›ើαž€αž‘ឹαž€αž…ិត្ត​ ​αž‚ឺ​αž–ិត​αž‡ា​សំខាαž“់​សម្រាαž”់​αž”ុαž‚្αž‚αž›ិαž€​​αž‘ាំαž„αž’αžŸ់​ ​αž–្រោះ​ថា ​αž‚្មាαž“​αž“αžšαžŽា​ម្αž“ាαž€់​ធាαž…​ដោះស្រាαž™​αž”αž‰្ហា​αž”ាαž“​αž‘ាំαž„αž’αžŸ់​αž‚្αžšαž”់αž–េαž›​ទើαž™ ​ហើαž™​តែαž„​αž‡ួαž”​αž”αž‰្ហា​αž‡ៀស​មិαž“​αž•ុត​។ ​αž“ៅ​αž–េαž›​ដែαž›​αž”ុαž‚្αž‚αž›ិαž€​αž‡ួαž”​αž”αž‰្ហា​ស្មុαž‚αžŸ្មាαž‰​αž•្សេαž„αŸ—​ ​αž–ួαž€αž‚េ​αž–ិត​αž‡ា​ត្រូវ​αž€ារ​αž–ាαž€្αž™​αž›ើαž€αž‘ឹαž€αž…ិត្ត​αž–ី​​ថ្αž“ាαž€់​αž›ើ​αžšαž”αžŸ់​ខ្αž›ួαž“​ ​ដើម្αž”ី​មាαž“​αž€αž˜្αž›ាំαž„​αž…ិត្ត​αž”αž“្αžαž€ាαžšαž„ារ​αž‘ៀត​។

៣) ​​αž‚ោαž›αž€ារណ៍​αž…្αž”ាស់αž›ាស់៖ ​αž’្វើαž€ារ​αž€្αž“ុαž„​αž€្រុម​មួαž™​ដែαž›​ ​​αž‚្មាαž“​αž‚ោαž›αž€ារណ៍​ ​αž“ិαž„ αž•ែαž“αž€ារ​αž…្αž”ាស់αž›ាស់​ ​αž“ាំ​ឲ្αž™​αž€ាαžšαž„ារ​មាαž“​αž—ាαž–​αž…្αžšαž”ូαž€αž…្αžšαž”αž›់​ខ្αž›ាំαž„​។​ ​ដូαž…្αž“េះ​ហើαž™​ ​ថ្αž“ាαž€់αž›ើ​ដែαž›​មាαž“​សមត្αžαž—ាαž–​ ​αž“ិαž„ αž—ាαž–​αž†្αž›ាតវៃ​αž‚ួរ​តែ​αž”αž„្αž€ើត​ឲ្αž™​មាαž“​αž‚ោαž›αž€ារណ៍​αž…្αž”ាស់αž›ាស់​ ​αž€្αž“ុαž„​αž€្រុαž˜αž€ាαžšαž„ារ​ដើម្αž”ី​αž‡ា​αž”្αžšαž‘ីαž”​មួαž™​αž”ំαž—្αž›ឺ​αž•្αž›ូវ​αžŠαž›់​αž˜αž“ុស្ស​αž‚្αžšαž”់αž‚្αž“ា​៕

តើ​αž™ើαž„​ត្រូវ​​αž›ើαž€αž‘ឹαž€αž…ិត្ត​αž”ុαž‚្αž‚αž›ិαž€​ដោαž™​αžšαž”ៀαž”​ណាដើម្αž”ី​ឲ្αž™​មាαž“​αž”្រសិαž‘្αž’αž—ាαž–?

αž‡ា​αž€ាαžšαž–ិត​ណាស់​ធ្αž“αž€αž‡ំαž“ួαž‰​αž‘ាំαž„αž’αžŸ់ ធាαž…​αž‘αž‘ួαž›​αž”ាαž“​αž‡ោαž‚αž‡័αž™ ដូαž…​αž‚្αž“ា​មិαž“​ថា ធ្αž“αž€​αž”ើαž€​αž“ោះ​αž”ើαž€​​មុαžαž‡ំαž“ួαž‰​ដែαž›​មាαž“​αž™ីហោ​ថ្មី​ដោαž™​αž‚ំαž“ិត​ខ្αž›ួαž“αž―αž„​ ឬ​αž‘ិαž‰​សិαž‘្αž’ិ​αž›αž€់​αž”αž“្ត​αž–ី​αž‚េ​αž“ោះ​ទើαž™។​ αž”៉ុαž“្តែ​αž”αž‰្ហា​αž“ោះ​ត្αžšαž„់​ថា តើ​ធ្αž“αž€αž‡ំαž“ួαž‰​ថ្មីαŸ— αž‚ួរ​សម្រេαž…αž…ិត្ត​αž‡្រើសរើស​αž™αž€​វិαž’ី​មួαž™​ណា​ឲ្αž™​ស័αž€្តិសម αž“ឹαž„​តម្រូαžœαž€ារ​αž‘ីαž•្សារ​αž€αž˜្αž–ុαž‡ា​αž”αž…្αž…ុαž”្αž”αž“្αž“​ដើម្αž”ី​αž‘αž‘ួαž›​αž”ាαž“​αž‡ោαž‚αž‡័αž™​?
αž…αž˜្αž›ើαž™​αž‘ៅαž€ាαž“់​សំណួរ​ខាαž„αž›ើ​αž–ិαžαž‡ា​αž–ិαž”ាαž€​αž“ឹαž„​αž†្αž›ើαž™ αž”៉ុαž“្តែ​មុαž“​αž“ឹαž„​សម្រេαž…αž…ិត្ត​αž‡្រើសរើស​αž™αž€​αž‡αž˜្រើស​មួαž™​ណា​αž“ោះ ធ្αž“αž€​αž―αž€αž‘េស​αž‡ាαž…្រើαž“​αž•្αž“ែαž€​αž‡ំαž“ួαž‰ αž”ាαž“​ឲ្αž™​αž™ោαž”αž›់​ថា αž‚េ​ត្រូវ​សិαž€្សា​ឲ្αž™​αž…្αž”ាស់​αž–ី​ស្ថាαž“αž—ាαž–​αž‘ីαž•្សារ αž“ិαž„​ធ្αž“αž€αž”្រឹαž€្សា​αž™ោαž”αž›់​αž‡ាមួαž™​αž‡ំαž“ាαž‰​αž•្αž“ែαž€​αž“េះ​αž‡ា​មុαž“​សិαž“ មុαž“​αž“ឹαž„​សម្រេαž…αž…ិត្ត αž”ើ​αž‘ោះαž”ី​αž‡ា​មិαž“​មាαž“​αž…αž˜្αž›ើαž™​ណា​មួαž™​αž…្αž”ាស់αž›ាស់​ថា វិαž’ី​មួαž™​ណា​αž“ឹαž„​αž‘αž‘ួαž›​αž”ាαž“​αž•αž›​αž›្ធ​αž‡ាαž„​មួαž™​ណា​αž‡ា​ដាαž…់ខាត​αž“ោះ​αž€៏ដោαž™​។